名古屋第四天(last)

今天照常好早出發，搭地鐵去名古屋城，但原来九點鐘才可入內參觀，車站同附近都沒有早餐店，連便利店都沒有！之后決定去搭多兩個站去"榮"食早餐，商議後決定去"大須觀音寺"，因為附近仲有商店街可以行！

名古屋城～名城線【市役所駅】下車後徒步5分鐘

Open 9:00-16:30  費用: 500日圓

 

 

名古屋城外觀

 

 

 

 

由名古屋步行到榮需二十至三十分鐘或可乘坐東山線榮站

 

 

 

食完早餐去返地面，影張名古屋電視塔相就去大須觀音寺！

 

 

 

 

 

 

 

 

觀音寺不是很宏偉， 附近商店街好似札幌狸小路！

 

名古屋駅(地下鐵東山線)→伏見站(地下鐵鶴舞線)→ 大須観音駅

 

 

 

大須商店街

見到有一間係100 yen店，買了不少東東。

 

 

還見到一間賣陶瓷玻璃店，好多都好鍾意，但因為玻璃容易碎，所以沒有買到！

 

 

差不多時間要返酒店，收拾去機場！搭番名铁Express 28分鐘就到機場！

 

 

 

check in 後去機場四樓一間矢場味增豬扒午餐，之後作最後衝刺，買左D手信， 其實过左關後都有野買，例如 Royce朱古力......

吉烈不會很厚粉

 

吉烈豬內裡有露筍，很好吃!

夠鐘上機了，再見啦名古屋！

 

名古屋第三天~part 2

 

跟住約十分鐘車程，去到魚太郎食午餐，魚太郎係一個魚市場，一部分係食堂，另一部分係買海鮮同乾貨！

 

「魚太郎」

愛知縣知多郡美浜町豐丘字原子32-1 Tel: 0569-82-6188

http://www.uotaro.com/ Open 10:30-16:30

 

 

係食堂，叫了好多食物，如象拔蚌，燒魚，吉烈炸蝦， 燒螺，刺生等等，每樣都很稱心滿意！

 

 

食飽飽後約個多小時就到我地Outlet的地方，團友們準備血拼了！

 

土岐Toki Premier Outlet

岐阜県土岐市土岐阿丘1－2
郵編: 509-5127 (10:00～20:00)

 

這處Outlet同之前北海道的差不多，沒有上次的驚喜，優惠亦不多， 所以收穫都不太豐富！ 之后返回名古屋市還車了！

(Nissan Car Rental Nagoya Shinkansen Ekimae)

 

還車職員知道我地係外國人，找了一個講英文的職員招呼我地，這職員的英文十分流利， 但樣子不似日本人，可惜服務態度很差， 有點呼喝成分 。第一次係日本遇到十分不禮貌的對待！

 

係車站附近隨便選擇一間有壽司食的餐廳，只因這幾日都沒有食過！

這處係一棟大廈內五樓，叫春夏秋冬，很特別，一進入門口就見到一派的櫃子，原來是放鞋的。沒有公眾地方，客人都是進入獨立房間進食！

 

 

房子都好大，之後有著日本朝服的妙齡女侍應招入来招呼，很不幸沒有英文menu，我地用一D的漢字，簡單英文，再加d圖片，展示我地今晚要食的食物！

 

兩位男士在玩手機，我和另一個女團友，指手劃腳 order食物，order 完后我覺得有點累了！

 

 

前菜

 

 

 

壽司拼盤

 

燒玉子，係香港食的多數是凍的， 這裡是熱食！

刺生，比之前兩晚的好， 新鲜而厚切。

天婦羅

吉烈豬扒

食物質素真的不錯，今晚比較特別係有一個豚肉鍋 ，真的很淋滑，沒有騷味！

 

食飽飽後困下地下街，去下藥房，入了不少龍角散，飛滋貼，感冒藥等等！

 

最後一晚了，因之前買左一支果酒，我地飲埋去才休息！