2015年3月30日星期一

練習作花

收到电話,因姊妹有事,要求代作花!
因時間關係,不能去花墟, 唯有在公司附近找尋花店!
 
选擇会小許多,但有時花多會眼乱,難選擇!再用返小小剩餘物資,就完成了!
 
 


 
 

 


 

川龍行山日

星期六約了朋友行山,十點半係 荃灣川龍小巴站 集合,預計這次路徑不太難,得1.5星!兩至三小時完成!
八點去左Leisure食早餐,再去荃灣 搭van仔去川龍。
 


可惜頭一段路行了一個多鐘后發覺行錯了,返回川龍起点, 錯有錯著,索性食点東西先再行!

 


川龍附近兩間茶樓,一間彩龍,另一間瑞記。我地決定去了瑞記。




它是舊式酒樓。全是自助的。冲茶、拎點心,都是自己做。



全都係舊式点心,豬手,牛肉,銀針粉, 咖哩魷魚,雞包仔,糯米卷等,最正係西洋菜,聽說是自家種的,十分新鮮清甜 ,還有山水豆腐花都不錯!




我地食完之後先至差不多兩點多,再開始我地既龍門行山行程!



見人帶狗仔,貓仔,去郊外見得多,第一次見人帶龟龟,好得意!

同他主人傾过过,這龟龟每天要食兩斤莱!




沿途景色欠奉,只有兩旁翠绿的樹林,地上多小石,我多要做低頭族!





三小時多到了城門水塘,小巴站很多人,決定再行多15分鐘去巴士站!

返回荃灣食個甜品後,我倆途經魚鱻魚湯專門店,心想不如早点吃晚飯,叫了生魚片魚湯飯,魚餅同龍俐球!






双腳開始倦了,诀定搭巴士回家,可以坐一会,上了巴士行不到一個站,撞了車,等下架来,可惜人多,要企回家了!

2015年3月29日星期日

Site Visit

昨天港鐵西營盤站開幕,試下搭港鐵返去娘家!

由元朗搭西鐵港鐵很方便,西營盤站就出!
 

 
 


站內好多壁畫,可看出西營盤附近的景物!










開了不久的阿元来了,每次回来都有一堆人,但阿媽說不好吃!要待遲点才試!



這处是陪伴我成長的地方,看着她舊樓重建,大排檔,茶室变了高檔食府,国際美食街,現在連港鐵都有埋,有点感觸!
对的,人要進步,向前看,但亦可懷緬舊日的時光!

2015年3月26日星期四

騎呢晚餐

放工去左中環抽血,途經南記,立刻買下喜愛的春卷做晚餐。
南記的春卷,配上辣椒醬,簡直係人間超級極品!
 
屋企已有奶奶的愛心咖喱,再買埋泡菜煎餅,韓式壽司。 頓時覺得好似多了點!
 
但最後只食剩泡菜煎餅!
 

2015年3月25日星期三

天外天慶生

3月24 hubby 生日,book左係紅磡Hotel Icon,天外天慶生。
生日禮物送左訂造的Lego公仔及休閑袋!
 
 
選擇去紅磡這地方都係方便他出來,同埋食完之後回家。
 
 
有時找一間兩個都未食過的餐廳,都有點擔心!
但朋友之前食过, 評語不錯,有點期待!

前一晚,hubby話24号晚不如食肥仔腸粉,有點玩野!

雖然我都覺得兩個人一起,食什麼都沒有所謂,但見他每年用心為我生日訂餐廳,倒希望為他慶生有點心思 !
 
 
餐廳燈光來比較幽暗,凝造浪漫氣氛!


之前request左window seat,餐廳座落28樓,雖然不很高,但窗外沒有遮擋,及當晚天空比較清澈,可以望到維港景色!


Menu 有套餐供應,分別每位由 $488 片皮鴨餐 ,$788 海鮮餐 , $988品味廣東晚餐。

我倆選擇了海鮮餐。
首先上左頭盤,有燒腩仔,春卷,叉燒,青瓜雲耳,感覺麻麻地,食物沒有熱度,居然最好的是春卷!很脆口,內裡蝦很新鮮!
 

之后係帶子,略煎一下,很爽口,唯獨献汁比較多!

 
南瓜海鮮羹,燙上有龍蝦肉同埋蟹鉗, 鮮甜彈牙,而湯的熱到很好, 很滑身亦有南瓜味但應該下了不少牛油!分量頗大,吃罷已飽了7成!


清蒸魚柳,肉質結實,伴菜像朵花,美極了!

 
海鲜炒飯,用料丰富,粒粒分明,好吃好吃!


甜品係紅莓蛋糕,蛋糕就比較實,味道一般!


 
 
其实之前request cup cake,但最后要提才上(其实已埋單,待hubby去洗手間時同待應生講),但最後轉了綠茶朱古力蛋糕,補上自制生日牌同hubby吹臘燭!(其實餐廳有全個蛋糕訂,但兩個人怎样吃哩!)

講番件蛋糕,真的好吃,雖然我已很飽,之前仲話食一口,到最后有点搶食!

 
總括天外天食物都ok,但有靚境搭夠!
服務由入餐廳開始不錯,但不知是否食客多,到最后件蛋糕要扣分了!


2015年3月24日星期二

大宅門~生日飯

Hubby生日飯,細佬book左去他喜愛的飯堂~大宅門,還帶左枝白酒配海鮮!
 
 
丰富晚餐開始了:

豉汁蒸聖子


 
蒜蓉粉絲蒸扇貝



清蒸海魚

 
鹽焗奄仔
 
 
之後加咗菠蘿咕嚕肉,同埋薑汁芥蘭!
 


甜品点了煎堆,即炸即食,還有寿包!


 



多謝細佬請客!