2015年7月31日星期五

朋友相聚~Scarlett Cafe & Wine Bar

上次因為肚屙好多食物都係淺嘗,今次相約朋友再食过。
星期五晚原来有限時間,但訂位時沒有說明。食食下比人趕埋單,有点不悦!因為有位朋友放工較晏,会遲来,所以如果有時間限制的餐廳,我是不会訂的!
講番食物,叫了生蠔,當天做特價,但比較細隻。我地還叫了一支Rose, 酒杯幾靚,還印左logo!
 


這個係有魚,味道好soft,好似海綿! 我記得上次都有食!


叫了 拼盤,朋友見到都嘩一聲,份量真係好大!


還叫了一味牛,同埋青口!



食到咁上下,靚仔外藉待應崔速要還檯,我地都選擇盡快食完離開!

但食又不滿足,傾又不盡興,我地走去左附近小甜谷繼續。


有一半人叫左榴槤甜品,他們都說很正。但我都係鍾情綠茶甜點!我地繼續笑,繼續講一輪才肯回家了!





2015年7月23日星期四

終於放假了

很早book左福岡機票, 呢幾個月都發生左不同的事,感恩有平安, 同積極面對! 這次沒有很早計劃行程,因為只有我和hubby, 有好有唔好,我地可以簡單d,當然行程就冇咁豐富了, 但最想係休息一下,暫時忘記煩惱的事情,放下工作!



 今次行程去福岡7日,会去門司港,大分,別府。 23號下晝開始放假, 同屋企人食埋晏,跟住去探下醫生, 返到元朗已經五點多, 終於有放假的感覺, 係Leisure一邊飲Rose Latte Coffe 及太陽蛋煙肉吐司 ,一邊寫呢一篇blog! 24号出發了,希望可义义電!


2015年7月22日星期三

特別的日子+ 再到訪Locofama

特別的日子,做一d特別的設計!
這天白色馬蹄蘭形態很美,希望可以改變今天下雨的壞心情!




這天完成左花品外,再到訪Locofama


原意是想去對面的豆苗居,但可惜午市時間已过,有落場!

叫了個冷麵,都不錯,但沒有太大驚喜。 咖啡係cappuccino , 叫了紫薯雪糕做甜品,顏色好漂亮, 口感好香滑!


 

2015年7月21日星期二

堅尼地城~夏雪 + 西營盤~Locofama

某星期日約左阿妹一家去堅尼地城~夏雪。
 
 
當天都要等半個鐘。不知是否太多人而忙碌,水杯都不夠,待應妹妹面口沒有表情,但都有問有答!

 
剛未食晏,很肚餓,叫左紫薯窩夫,綠茶窩夫,香蕉朱古力窩夫同蘋果批!
 
紫薯颜色漂亮,綠茶窩夫如多点綠茶未就perfect! 香蕉朱古力窩夫係後加,所以比較漏! 蘋果批酸酸甜甜,平衡番d甜味!
 

 

 


 
返娘家Hea完后,妹夫選擇左係娘家附近一間Locofama 餐廳晚餐,位於 西環西營盤福壽里9-13號地舖 ,與本地農業合作,位置比較偏僻係小巷內!
 
 
 
 
 

前菜叫了兩款沙律, 一款有藜麥organic Kale Salad, 另一款係seared octopus & baby spinach salad 沙律。请新怡人!
 

小食要了黑松露蟹肉醬麵包 black truffle crab dip, 每一口都充满蟹肉!
 
 

Rib & mushroom quesadilla 似餡餅,內有 cheese,磨菇同牛肉, 超級好吃,還encorn 左2 份 !
 
 
主菜有:
Slow-cooked 48 hrs natural short rib 慢煮牛肉,非常香軟,好有口感。
 

 Slow-cooked Organic chicken 加入左椰汁比較惹味!


都有叫到澱粉質的食物:
Tomato Fried Rice (Quinoa)


 Carbonara 非常creamy!


整體味道不錯,但portion很細,比較適合2至4人享用!
  

2015年7月20日星期一

火鍋慶生 at 大鍋口海鮮火鍋店

 呢排外出進食減少,節制下!但朋友飯局少不免!唯有早午餐食清淡点!
朋友生日飯选擇食火鍋,仲要係任飲任食过隻,心想都好,任食火鍋質素都一般,應該可以青蜓點水!
 
朋友訂左大鍋口海鮮火鍋店,位於荃灣,可以食2個半鐘!入內當然裝修欠奉,但都不太擠迫。
 

 
选左鴛鴦湯底,但要加40元,一边沙嗲,一边木瓜雪耳!

送来火鍋料,肥牛油脂分均,聽說每日都有海鲜料可点,這天係聖子,都有手掌甘大隻!

冰豆腐,響鈴很可口,午餐肉不是cheap貨,還有膳片,海蝦可选!
 
肉類除左肥牛,豚肉。都有出前一丁,係整包上!
 
 蔬莱都有好幾款,特别係菜心,係比莱心苗,好嫩好爽!
 

其實我地點左好多,每樣食物都好ok。驚喜在於任食火鍋料很新鲜,飲品选择多!
 
飲品有竹蔗茅根, 罐裝飲品有zero, 可樂,忌廉,道地烏龍茶,韓式飲品有檸7,忌廉鮮奶,連jolly shandy都有!

 
買左東海堂蜜瓜蛋糕慶生,很清新,ok好味!
6個人,埋單$97X,很滿意!

2015年7月19日星期日

世貿~龍皇

識左好耐嘅朋友生日,約去銅鑼灣龍皇食飯。 之前去左中環律師樓做点事, 再落皇室堡逛逛再晚飯!



皇室堡當時有Melody,Little Twin Stars display,好開心可以影相!










龍王係最早期都食过, 環境同價錢當然冇而家咁貴!

這間位於世貿景觀和裝修都不錯!





叫左燒腩仔,涼拌雲耳, 四季豆,
海參做緊特價,好似$58, 燕窩羹
枝竹班腩煲, 燒鵝, 翠玉瓜炒帶子, 甜品有棗蓉糕。









 總括來說環境比食物優勝!但味道都不过不失!