2015年4月28日星期二

放工自家煮


放工後多數都在外解決,但外边的食物味精及油份較多,身體日漸膨脹,诀心自家煮多一點会比較健康!

 
希望可以一個禮拜三晚係屋企自家煮,雖然辛苦D,但如果hubhy ok,我都樂意預備!
 



自家煮當然無外出的食物咁好味啦,会清淡,但都唔想太單調,所以其實都幾豐富, 蔬菜類都會有三至四款,有西蘭花,芥蘭,蕃茄,粟米,肉類多數都會選擇魚,因為放工比較晏,街市都關門,只可以買三文魚,雖然貴D,但營養丰富!再加一D丸類,豆品,很足夠了!




如果放假有時間就去煲湯,星期六煲左木瓜蕃茄薯仔魚湯,蒸魚,味噌東風螺,簡單而美味!




2015年4月27日星期一

和味 again


星期五放工後,同同事又去新蒲崗食日本菜! 之前雪左枝作梅酒,甜甜地加冰好易入口!


今次有個螢光魷魚,第一次食,好爽甜,亦有生蠔,雖然不是好肥美但係好鮮甜!



當然唔少得新鮮的加拿大海膽,加紫莱及飯團,不錯啊!


刺生就有油甘魚,劍魚,及不知名的魚,還有活赤貝,帶子!






最美味係拖羅, 坦白說好少食拖羅,有時食都說不出什麼味道,這样厚切,真係好甘香!


日式南瓜豆腐湯, 熱辣辣暖下胃!



燒物有油甘魚鲛


自选壽司


熱食還有炒螺片,鐵板和牛 !



最後加左和味牛肉+吉列豬扒湯麵!




但可惜太飽, 天婦羅同炒飯都要叫暫停!



2015年4月26日星期日

秋櫻屋

花材越來越貴了,一小束都要差不多二百元。簡單處理後,約了朋友tea 1 tea。

地点选擇係般含道秋櫻屋 Cosmos House,係一間日式Pancake店,想試這間餐廳好耐,来開西區,朋友又住南區,找這机会試一試!
 
 

 
 
地点超易找,係西營盤站地鉄出口对面。下午茶時段只供应
Pancake,但没有tea set!
 
朋友仔有点意見,因沒有鹹食,可惜已太遲及我真的想試!
 
 
 
Pancake有甜有鹹,我地选择牛油果三文魚,日式照燒雞,腸仔配蘋果乳酪醬!





Pancake 有3大件,疍味夠,十分鬆軟,各样配料都很新鮮,還会伴上沙律!

鄰桌点的甜食,賣相很吸引,下次要試紅豆綠茶Pancake ,
但 Pancake價錢不便宜,每份要約$80多元,還要另加飲品$25-30元!

 

2015年4月23日星期四

Green & Purple


其實未嫁之前就係住在西營盤一段很長時間,好少去堅尼地,因為都有一段距離。自從港鐵通車後,知道有好多小店食肆,要去試試!
某日插完花之後,就去厚和街走走,幸好小男生指點,不需要行冤枉路!




想去一下小店叫做夏雪,這裡有綠茶及紫薯的出品! 可惜waffle分量太大了,沒有叫到,只要了一個綠茶latte,同埋一個日式軟雪糕要了紫薯酱!


綠茶Latte 層次分明,軟雪糕很香滑, 紫薯酱比較甜!



白雪雪的軟雪糕紫加了薯酱,顏色好靚!


夏雪係近期的大熱食店,不消一會,便已經有人龍了,心知不可坐得太耐,食完後要結帳了!
同一條街43號,地下有一間cake shop很出名,叫詩餅坊,試了綠茶紅豆蛋糕。


外边圍着圓柱狀係綠茶蛋白脆,內裡係紅豆配忌廉,甜度不高!


蛋糕很精緻,索價38元有点貴,但值得一試,亦有全個賣500g,二百多元!





下次要試埋紫薯蛋糕!

店內亦有兩張小枱 ,及飲品供應給食客堂食!

2015年4月22日星期三

Coffee Public ~ 拉花基礎興趣班

 
之前報左拉法基礎班咖啡,去觀塘上堂,位於觀塘工業大廈,地方都幾大,這晚都有十多人一起上堂,我和朋友仔共5人一個group!
 
課堂擺放幾部咖啡機,亦有咖啡用品買!

 


 
今堂教拉花,其實之前都未試过,有點緊張!
 

 
 
首先導師介紹冲咖啡的基本資料, 磨左的咖啡粉,唔可以收太耐, 要放在陰涼處,所以一次過不要磨太多!
 



 
  
 
用咖啡機教點一沖Expresso,每人都嘗試! 要注意冲一杯Expresso, 要有一層咖啡油先叫合格!再會教你打奶泡, 實習時會用清水加洗潔精練習,再會用手測試溫度!
 


 
原來我地係連鎖品牌既coffee shop飲咖啡,如latte, cappuccino,溫度通常好熱!原來其實冲一杯,溫度應該大約係六,七十度左右,容易入口!

 
 
之後導師會嘗試示範拉花,我地會用清水練習多次,但倒到周圍都係水!



根據導師的資料,如果要練習考試, 每晚都要用上10盒奶或以上,真係拉要手軟!
又要注意手勢,力度同角度, 導師叫我溫柔d,輕手d!

 
 
最後自己要是做一杯latte拉花, 大多都係失敗多,拉唔到漂亮的樹葉,真係要多加練習!