布吉第五天 2014/12/28

最后一天酒店早餐，照舊泳池嬉水!

 

享受陽光時間，電話訊息响起， 一架亞洲航空飛機由印尼泗水飛去星加坡，失去聯絡！

 

 我地下午就係坐亞洲航空回港！ 其實唔係咁多人知道我今次係坐亞洲航空， 因為國泰無機位！

 

朋友建議轉Airline ! 但算吧啦！臨急臨忙，點轉呢！ 我其實不是很擔心，因為我最愛的人係我隔離， 不用怕吧！

我妹一家其實就係泰國另一邊芭提亞，兒甥仔留下口訊，忠告大E不可消失！ 心甜了！

 

游完水後，回房執拾就check out , 之後去商場附近食多次Auntie Anne, hea 了一陣就去機場！

 

 

PHUKET - HKG 15:35 - 19:55

 

 

 

到機場才知道班機要delay, 應該係大約1個鐘左右! 係機場好無聊下， 食下熱狗，飲下汽水，好在有得上網， 時間快過D！

當然最後安全到步！感恩啊！

 

其實亞州航空都ok，雖然沒有飛機餐，但座位不是很擠逼的， 飛機餐不吃也吧啦， 我選擇睇戲訓覺好过了！但發生了墜机意外，我諗我都唔會再坐這間航空公司了！

 

這個没有行程之旅，都係食，訓，hea，希望大家都能义义電啦！

 

 

 

 

布吉第四天 2014/12/27

訓醒去食早餐，跟住都係去游水， 本想去布吉市中心，但係睇旅遊書都係冇乜野特別，都係留在酒店附近行下，逛下，hea下!

 

游完水後有d攰， 睡一睡再在外出！

 

 

踏出酒店，已經係下午三點鐘了， 肚子餓，就在附近pizza店找了點東西吃！

 

 

其實芭東區屬於遊客區，都有好多食店，價錢会貴D但質素都唔錯！

 

之後，我地跟住紅紅的太陽，行去芭東海灘！

沿途都好多人問我地跳唔跳降樂傘！

 

跟著就去食我地的晚飯，会早一點，因為 熟食中心收七點鐘！今餐我地主打就係龍蝦同埋烤魚！

 

龍蝦同埋鮮魚，講價后分別係1600同埋200泰铢！

條魚大到要分兩隻碟上！超级美味！

 

這晚係我地係布吉最後一晚了，我地去左Big C買D手信，就回酒店了！

 

 

 

夜一點要食埋泰國版曼聯合味道杯麵先肯訓哩！

布吉第三天 2014/12/26

 晨早起身，去食左酒店早餐，很不錯！包羅萬有！

 

休息一陣就去泳池hea下， 消耗脂肪先可再食過！

 

 跟住call 左的士去左個商場Central Festival 逛下，要500泰銖！

商場有free wifi，但要passport 登記！地方都好大，有好多食肆同店鋪，見到Auntie Anne，好興奮，超愛吃！

亦有food court，我地坐低食左魚蛋，但味道算可接受啦！

 

店舖商品酒店商場買的東西潮好多， 行左大約係兩小時左右，要找間coffee shop 歇一歇！Hubby都有d收穫，跟住call車返酒店休息了一陣！

在商場附近找了間餐廳，食西餐！

 

他們沒有set dinner, 我們散叫了兩個主菜，伴莱， 青檸梳打同啤酒！

Hubby叫了安格斯牛，我叫左紅酒雜菜燴牛膝！我地等了好耐，食物才送出！牛肉非常好味， 買單港幣三百多好抵食！

行过有movenpick 專門店，買二送一，兩人食到抱着肚子，去行下 Big C 回酒店！

 

返回酒店房，發覺有驚喜，酒店送上生日蛋糕！很窩心啊！
個蛋糕食左少少，味道一般啦，但誠意搭夠！ 

 

 

 

 

布吉第二天 2014/12/25

 

 十點鐘司機叔叔已經到了，可惜天氣下雨！
同酒店職員傾了一陣，他們說過兩天会天朗氣清！

大約40分鐘車程到我一連3晚酒店！

 

Millennium Resort Patong Phuket (距离机场大约40分钟)
199 Rat-Uthit 200 Pee Road, Patong, Kathu, Phuket 83150, Thailand

酒店好大，分兩邊。我地去到大約十一點多，酒店職員已經話有房間給我們！

 

 

房間整潔很大，放低行李後， 立刻同世界聯繫(Wi-Fi) 一會兒!

 

成朝都沒有食物進肚，即刻去找食，酒店已經係有一個門口直接係去商場，非常非常方便！

 

 

可能被肚餓感覺沖昏頭腦 ， 眼花繚亂見到食店就衝入去，入了一間食泰國菜的餐館 (Le Siam)，價錢並不是很貴大，但分量小得可憐！

我地已經預算綢繆地食第二餐了！

 逛了一會兒，身體已經響了疲勞的感覺！ 立刻回酒店睡一個很甜的午睡，之後進行我地豐富的晚餐了！

 

再一次稱讚這酒店真的很方便，附近就已經係我食海鮮的地方了！

 

這是類似香港的熟食中心、街市！
樓下買海鮮、生果、雜貨，上面是加工食物！ 食物比較便宜但環境欠奉！

 

選擇海鮮種類不太多，最主要就有瀨尿蝦、龍蝦、海蝦、蟹、魚同一些貝殼類海鮮！
他們很多都識講普通話， 拉着你在檔口揀選海鮮！
但比起首爾鷺梁津，失色好多了！

 

我們選擇了一頭龍蝦，海蝦，同蟹！
加工檔口，会有menu介紹唔同的煮法，

 

龍蝦選擇蒜蓉上湯煮，咖哩炒蟹，烤魚， 因為蝦是游水的，選擇左用蒜蓉蒸， 最後加個炒菜 ！ 超豐富的一餐！

幸好味道不是很濃味， 調味很合口味。因海鮮新鲜，不需太多調味料！

 

龍蝦實在非常彈牙， 烤魚鮮甜無比，很記得這條魚是150泰銖， 折算港幣不用40元！ 龍蝦約1000泰铢！

唯獨不太習慣炒菜，用左泰色調味， 比較甜！但只需$10港紙，很抵啊！

飽飽后，當步出熟食中心是另一景象，很多串燒，食物，衣物買，好不熱鬧！像似油麻地廟街！

但鑑於衛生問題，我地都沒有試到！