Hello kitty Baby Hamper

全個BB Hamper 都係用左Hello Kitty做主題!

 

內裡都係Hello Kitty BB用品，成本很貴。

 

希望收到既都喜歡，又感受送贈者的心意！

 

 

星期日即興節目

星期日下午，經過添記，買了半斤燒腩，熱辣辣，肉汁豐富，真係幾好食！再整番杯檸檬薄荷特飲， 享受一下潮濕悶熱的下午！

 

星期日在家午睡休息完， 傍晚收到妹妹係西九， 即興约晚飯，不出一個鐘， 大家已由各區到達圓方。

 

雖然冇訂位，walk in 去了一間The Night Market,，原來食台灣菜，妹夫叫了一臺食物， 有肉燥飯，蚵仔煎，鹽酥雞等……，還有甜品雪花冰。 雖然不是個個可以都出席，(有人出左trip， training，及有飯局) ，但都有10位成員，三寶玩得開心，大家食得滿足！ 掛住玩，掛住傾計，掛住食，食物忘記了影相！

星期六的節目(2)

之後去左西九海濱長廊踩單車，由圓方行去十多分鐘。

 

租單車要比按金及租金可以踩兩個鐘。

 

 

單車徑原來好短段，1個灣十分鐘， 我地踩左一個鐘留待一個鐘可以下次再用！

地方不大，有小小兒童設施及汽水機。 當天只有矇查查海景，但有大草地可以野餐，小朋友可踢波放風箏！

天氣比較潮濕陰暗，海景睇出去白茫茫一片！

感覺今次踩單車有點失望，之後就搭968返元朗。去左 A Cha Cha食左下午茶，好彩食物都補返數，hubby 的蘋果批有點驚喜， 而我超豐富，有太陽蛋，煙肉，火腿， 沙律菜，蕃茄同芝士薄餅！

 

夜晚晚餐煮飯仔，整左連藕餅， 前幾天朋友送左紅菜頭，買左番茄同粟米， 煲左紅菜頭湯， 超飽。 飯後開工整baby hamper！ 好享受星期六，真的超忙但很充實！

 

 

 

 

星期六的節目(1)

星期六朝要插花，幸好星期五晚夠時間去花虚一趟。 去到旺角太子，開始掃街，魚蛋，燒賣，魷魚，串燒……，兩個食过不停！

 

可惜，臨尾入了間食碗仔翅同腸粉，有點失望，quota浪費了就搭車回家， 返到元朗，想去Dessert Gallery 食番個甜品補數，可惜人太多，去左Sense， 最終都有個甜美的結局！

 

 

 

 

春回大地，花兒開得特別燦爛！

 

星期六朝作花完畢，約了兩老食早餐后已11点。跟著去圓方会合hubby。

 

午餐於稻成亞丁，較早前試过，今次带hubby試，叫了小籠包， 乾扁四季豆， 蕃茄豆腐魚片湯。

Hubby 話菜式偏向麻辣， 見到好多人都叫水煮魚，水煮牛。

 

 

小籠包皮很薄，很易穿了，浪費了包裡的上湯。 乾扁四季豆帶点辣， 很惹味餸飯一流。蕃茄豆腐魚片湯好味啊，D魚片差不多沒有骨， 厚薄適中， 份量不少， 湯很清甜！

 

 

 

去圓方中仲有一個節目，就係……………………

New York Cafe

 

对屋企附近的New York Cafe， 好多次 book左就食唔到，反而walk in有時都可以執死雞！

 

其實呢間餐廳時時都好多人等位，不是沒有原因， 分量足夠，價錢大眾化，味道不錯

 

當晚我地walk in，食左小食~墨西哥雞肉薄餅，炸雞！

 

 

 

 

 呢碟叫小食~炸雞$48蚊，好感動！仲要係有大大件，好多肉。相比肯德雞……唔好講哪！

 

 

main course要了煎鱸魚，有兩大件魚扒，連D薯蓉都很好味！ 軟綿綿！

 

 隔離枱他們叫了羊膝，份量好大，我想要4個人才吃得完了！

 

當晚剛剛翻風，但外出位置都坐滿客人！
幸好店主放了暖爐給食客！

 

平日人數不多，可以早一點去執死雞，但如果星期六、日就建議最好一定要訂位了！

 

 

1 個人的晚餐@白熊咖喱

 某夜有約，一個人去左屯門白熊咖喱，叫了滑蛋豬扒飯！
每張枱都印有小熊腳印好可愛！

 

可惜滑蛋豬扒飯 D蛋一D都唔滑，我估計這碗飯應該有兩碗飯多，我只完成一半！

豬扒份量不小，但都不突出！加了8蚊叫了西蘭花！飧包飲品一杯，叫了凍綠茶，還有雪糕送。相反覺得雪糕不错，很幼滑！
值得一讚，店員服務非常有禮貌！

 

仲有邊食邊睇行程，来緊有三個旅行，編行程頭都大了！

元朗小食 ~ 真香蛋卷

 

係元朗住左咁耐，都唔知道原來呢間蛋卷甘出名。过年前見好多人排， 我當然無去襯虛。過左年之後就買來試下！

 

 

紙盒裝26蚊， 分量不多，可以好快食完，保持新鮮！ 亦有罐裝買 ！

 

蛋卷少了牛油的膩，多了香脆感覺，極容易K.O！

當然就不可同北角德成號比較，但真的不錯的！

 

舖頭有其它傳統食物，有米通，馬仔，炒米餅， 香蕉糕等…………

 

 

元朗大馬路124號E地下