生活仍是繼續 ~ PMQ - Isono Eatery & Bar

睡醒後，第二天是星期六，可以休息下。 個人情緒好好多，可能消息已經消化完！ 生活，工作仍是繼續，所以都會出席下午約左好姊妹的下午茶！

約左她們三點鐘去中環元創方Isono食tea由IFC行上去，真的要幾個字，到左阿巴甸街真係有點累！

 

餐廳環境裝修有心思，樓低亦高，但人流不多。 反而樓下D店舖幾多人！
帶位系一個好漂亮的外籍女侍應，好有禮，笑面迎人，進內環境很舒服！

三個人叫了二人tea set, 再加一個薯條！

可惜香港人的待應生(不是1位)，給比下去，仲有点不禮貌的應对！ 不耐煩解釋，不願意遞drink list， 但當時只得幾台客！
送食物上枱系有一個外籍男侍應生，服務良好，解釋完每樣食物，還叫我地 enjoy！

二人份量都好足夠，一盤系鹹食，一盤係甜食！有burger，牛角酥， 西芹紅蘿蔔，芝士波等，甜點比較出色有意大利芝士杯，好香滑，仲有好似係朱古力橙味蛋糕及曲奇，potato chips 放谅了，比較多油分！

飲品要了latte，cappuccino 同埋加了一杯啤酒！

有點求其

亦有和姊妹講昨晚的事情，姊妹和我一樣眼淺，但和大家share 下感覺亦舒服！

因我仲要有下場，所以沒有太多時間行逛， 但經過呢間買呔夾同袖口鈕的攤當，居然比我搵呢样野買比hubby，多謝你support我！

期待下一次多點時間逛逛及再試另一間餐廳！

之後返奶奶家食飯，因為hubby細佬係北海道返来， 買左毛蟹同埋黃金桃，回去品嚐，仲拎在好多手信回家！

黄金桃好靚仔，我都系第一次食，真的好香桃味又多汁，不是死甜，好吃啊！

911..........

星期五下晏，收到壞消息。 個人好似崩潰 ，眼淚不停咁流， 個心突然好痛，唔知點做 !

將消息傳開后，好彩我弟妹多，每人分擔下！大家互相安慰，要積極面對，不是世界末日，仲有辦法！

大前提要調整自己心態，才可以解決問題！
大家商量後的晚上回家， 本来相約已久的生日反局，都推掉了，沒有心情！

 

經過了商討，事情都不是太差。之不過大家都可能有d 氣餒，一次由一次臨在這老人家身上，但我地都要表現積極去解決，最緊要俾老人家睇都係有希望的！

最后有祈祷，祈求天上阿爸父可以憐憫地上的父親！ 希望心中有平安面對一切！

一过寫，眼淚就不停流，舒發完路仍繼續走…………

Fantastic Cafe & 自家煮

系秦泊開了餐廳, 星期日去左試早餐!

 

室外座位, 不太熱的天氣不妨一試!

 

Hubby要了All Day Breakfast, 可惜炒蛋不夠滑, 過火了!

 

我的三文魚 egg benedict, 不過不失!

餐廳種了很多的植物

 

椅子很待別!

餐廳有種優閒, 假期去不錯!

 

Hea下, 去街市買送!

 

 

蒸魚, 蒸蟹

 

味噌煮茹子

 

蒜蓉粉絲蒸帶子

好滿足!

試新野~Salt Recipes

平日夜晚在屋企樓下，試新開的其中一間餐廳，係Homeless 內，叫做Salt Recipes!

顧名思義系用鹽来烹調。

餐廳環境比較舒服同埋開揚， 還有小小景觀！望出去系博愛，遠DD可以見到爾巒！

3個人叫左3個餐，分別由百幾至二百幾蚊不等！

暫時都係試業中，只可以叫晚餐，有頭盤，主菜，飲品，同甜品。

Hubby 同他的同事鄰居早到左，而又肚餓，叫了個頭盤食,在先。試左后發覺超好吃，所以再encore！

這個好似叫焗海鲜批，內裡有大量魚肉，亦有忌廉，好香滑！

仲有叫左呢個湯，亮點系waffle，好鬆脆，配上這濃湯，很匹配！

鹽焗鱸魚，很有驚喜，好有鹽香， 焗得剛剛好，魚肉超滑！

不是簡单Fish & Chips， 個chips有三种，甜薯， 薯仔同番薯及魚扒兩大件，配上他他酱，姣痴呀！

呢個魚湯蜆肉意大利麵其实是不錯，可惜最后先上，给比下去！

我呢杯系Lemon Ginger，你睇枝攪攪棍，系米好可愛哩！

Hubby尼杯系鹽咖啡！

餐後甜品~朱古力

吃了一餐很满意有水準的晚餐，將日頭工作的悶氣盡消！

Avengers birthday party

阿妹有要事要暫托兒生仔，送接學習班后，带左他去九龍灣睇戲~反轉腦朋友(廣東話版)

睇戲前去左食小王牛肉麵， 個人認為元朗士林好吃好多！

 

套戲約個多小時， 感覺好深奥，都吾多適合小朋友睇！

 

打呢篇既心情，仲要通緝緊阿樂！

去九龍灣睇戲既原因係因為我要攞蛋糕，因為當天糸兒甥生仔開Avengers生日會， 大E会預備蛋糕！

 

其實今次不是蛋糕，搞搞新意思，訂左Avengers馬卡龍，有4款，連埋Stand！

 兒甥仔當然好開心，仲收咗好多禮物！

Appetiser有沙律，小朋友一路整一路食的菠萝腸仔!

屋主預備外賣晚餐，妹夫煎牛扒系有一手！