情人節~碎碎念

人相處其實都幾奇妙， 有些伴侶可以一路行到尾！有些就会係中途決定分開！

身邊有不少同事或朋友，決定同伴侶分開。雖然這些都無對與錯，但分開一定有傷害對方的一刻，可能雙方都有責任，問題堆積起像炸彈，隨時爆發。

 

 

好多人話勉強無幸福，但如果婚姻沒有忠誠， 就破壞左相方的約定！

人生面對好多試探，婚姻都一樣！

其實我唔係咁buy隨緣兩個字！ 有些事情要堅持，不是隨得發生就算。

 

 

情人節將至，送上一扎花，去食一餐飯慶祝，當然開心。但係

如果要維繫一段關係真係要雙方努力付出，希望大家都努力啦！

Dessert Gallery

食甜點確實令人開心！附近甜品店不斷增加，質素又有保證！
近期，這間我地都常幫襯！ 一来近屋企，二来水準平均！

士多啤梨新地加上數粒的酥餅、朱古力脆片& 士多啤梨Movenpick 雪糕
 

溫柔。暴力

~ 要用鎚仔扑開 ~

內裡有士多啤梨粒，朱古力脆粒，吉士醬，數粒的酥餅.......

冧酒提子脆窩夫 +冧酒酒提子Movenpick雪糕

 

香蕉脆窩夫，Movenpick香蕉雪糕，有香蕉粒，好过H仔！

 

 

榛子朱古力心太軟 +  士多啤梨Movenpick 雪糕

 

榛子朱古力咖啡，薄荷朱古力咖啡， 拉花靚，但不夠熱!

 

 

Merry Monday？！

Monday 真係唔係浪得虛名，想個一個Merry Monday都好難！

 

 經過星期六，日休息，好似全部都被星期一搶奪！整個人放工後散晒，謝晒！

 

 

(相片係有互聯網取下的)

 

 

 

本來屋企有飯送，都無心机整。但係雞地行过，好多間食肆都休息，最后入左間大阪，食日本野，食飽口腹之後回家！

 

沖完涼靜靜坐下都九點多，要鬆一鬆后才可睡覺！ 同自己講明天還有明天的挑戰！
 

 

華嫂冰室

 

華嫂冰室，係屏山坑頭村，但每次光顧都要等入座，可幸有地利，但晨早去都要等半個鐘！聽說行行地都要1個鐘或以上！

我個人覺得這店D食物有heart 做的！雖然order了要等一D時間，但都值得的！

這幾次都試左幾款招牌食物:

招牌菠蘿包，特別之處在於加入了番茄, 太陽蛋以及牛油，新鮮做起的，没理由唔好食！

招牌芝士咸牛肉蛋豬仔包，豬仔包是很鬆軟的，配合咸牛肉及芝士，味道香濃！

雞翼蕃茄底出前一丁, 番茄打爛成湯，濃郁杰身，好似飲緊蕃茄汁！
 

但我較喜歡芫茜皮蛋湯底，好香芫茜味，店主又唔吝嗇，芫茜落了好多！配上煎魚餅，簡直係絕配！

我多數要茶走，茶身幼滑，
如在夏天，会点檸檬益力多或冰花奶茶！

芫茜皮旦魚餅米

特别一提，雖然客人多，但亦很有禮貌，服務不錯！

                  

瑜珈班

前排跟同事，參加瑜珈班，放工後去左深水埗試玩一堂80蚊，walk in $110@，月費平D，約$90@！

從未玩過yoga，有少少擔心！同事話做之前唔可以食太多野，所以買左乳酪，小卷打底！

 

 

 

 

原來運動量都不少，開頭半個鐘做到流曬汗，之后半個鐘多數做拉筋， 伸展動作！ 當然有d動作是做不到的，我都不會勉強。感覺也不錯，可以舒展筋骨！

但二月較忙，我想我會在3月先至可以再上堂。落堂後，行返去南昌西鐵站，回家都幾方便！

 

大宅門

近排如外出同奶奶家吃飯，hubby細佬多选擇觀塘大宅門！
对我地来說，地点有点遠，但近奶奶家，加上有優惠，所以多来了！

地点雖然係觀塘，但位置較僻，大宅門置於Dorset 帝盛酒店內！
招呼服務很好，多次去都唔多客，地方闊落，坐得舒服！

自己帶酒去免開瓶費！

邪惡食品椒鹽鮮魷 ~ 好味彈牙!



最不對勁就係素鵝，食落很碎碎又淋！



京都骨略嫌肥的部位較多， 所以比較淋滑！




菜色整体不错，奶奶較欣賞鹽焗雞！

蒸沙巴 龍躉火喉控制很好， 剛離骨，但不見血！
想食其它海鲜可預定！

上次細佬預訂左兩隻膏蟹，勁多膏。最重要係烹調味道很好！ 膽固醇拋諸腦後了！
 

蔬菜煲加入花膠貴氣好多！

 

甜品方面比較欣賞脆麻花，灑上芝麻花生，簡直係極品！

 

忙碌星期六

星期六朝，出左去銅鑼灣做婦科檢查！
以往排期一年一次， 但而家越来越人， 排期要去到2017年了！

跟住去灣仔，因book左十一點鐘睇醫生，因D咳仲未好！

途經灣仔，可以懷緬以前工作附近的地方，兩條街都是以前常去早餐及午餐的地方！

 

 

 

本想去華星或豪華食早餐，但經過見到Mos Burger被吸引入去了！

可惜早餐一般又不可以轉green tea latte！

 

見完醫生後，搭車返元朗會合 hubby 去 Leisure食过late lunch 同飲我最喜愛的黑糖鮮奶咖啡，真的不錯也不貴！

之后回家抱頭大睡，休息休息！ 夜晚放狗時間，去左"蔣太"食dinner！ 這樣就過左個珍貴的星期六！