閨蜜pre-trip澳門之旅 27/6

閨蜜pre-trip之旅終於成行！
兩位好姊妹要相就我的假期，因今年下半年有好多uncertainty， 要待轉定公司才可決定！

兩日一夜澳門團比較容易实行！

姊妹用了親戚員工價，book 了威尼斯人酒店，再買來回船飛，每人都只是幾百元，很抵啊！
星期六同hubby係Leisure食咗早餐，搭十二點船出發了！

 

 

個多小時就到了澳門，之后搭的士去皇都酒店食午餐

 

花道葡萄牙餐廳，位於得勝馬路2-4號澳門皇都酒店M樓

 

 

餐廳擺設

 

 

很喜歡這碟子

 

 

看过menu 及價錢很抵食，2個course$12x ，3個 course$15x！

 

 

每样前莱，主菜同甜品都叫各3款試試吧！
前莱: 煙三文魚薯仔煎餅，燒牛肉沙律，餡餅！

 

 

食物display 很精美，可惜味道麻麻！
燒牛肉很so，腸餡餅較咸， 煙三文魚比較正常！

 

 

 

 

主菜来了，每款也吸引相機食先！
葡式紅燒排骨，鱸魚，三文魚！

 

紅燒排骨好像煲完湯的豬肉，還有薯仔紅蘿蔔伴菜， 我講笑說如有湯，這啖湯一定很甜！

鱸魚是炸的， 但炸粉同魚肉是分開的！魚肉亦over 了！

 

最正常係三文魚，不過不失，沒有驚喜！

 

甜品亦沒有期望，吃了小小， 留肚下午茶！

朱古力毛士配蛋糕

紅蘿蔔雪糕

Coffee

 

跟住就去威尼斯人，酒店還upgrade左我地!

 

抖了一會兒就去Sheraton 喜柏下午茶， 但當時大約4:30左右了！ 但都要等一陣才有位！

 

叫了一個二人High tea set加一壺Love Me Tea，再加多一杯coffee！"Love Me Tea" 很淡，但帶點茶香！
High tea set 中個人喜歡scone！

 

悠悠閒閒过了個多小時！再去shopping！
要消耗多点才可吃晚餐！

 

8點左右去左路環~Miramar 海景餐廳食葡國菜，超多人！ 比較混亂， 雖然 book 左坐內廳，但待應話只有外出位！大熱天時， 好大挑戰，但又唔想等，唯有照坐！

 

 

 

開始肚餓了，叫了葡式乳豬，薯絲炒馬介休，白酒煮蜆， 燒沙甸魚同Sangria。

 

 好彩食物不錯，分量都很大，多人食会抵D！

乳豬叫了例牌，皮亦脆口， 肉質鮮嫩！

 

白酒煮蜆，下了好多芫茜同洋蔥 ，很香， 而蜆肉也不太细隻！

 

肥美沙甸魚

 

Sangria 很合口味， 但不夠凍，要了冰添加！

 

最後飽到連甜品都食唔落，要返酒店了！

 酒店窗外靚景

 

body check+華星冰室(旺角)

 

公司每兩年的身體檢查， 除左做基本驗血 檢查外，還可免費加了一項骨質疏鬆！

 

 

姑娘抽完血後，我可能無咁禁實，谷在瘀血！

 

 

 等候做骨質疏鬆期間，要換衫，躺在床上很舒服！ 十分鐘已完成了！

 

 

之後去左華星冰室，叫了一個沙爹牛肉包。同埋凍奶茶， 散叫比食早餐set 貴，但個飽烘得不錯，沙爹牛肉也入味！

 

 

 

報告出了結果也ok， 血脂，血糖，膽固醇等都正常水平， 骨質疏鬆都不錯，唯獨是我過重了！BMI over 左！

Chef's stage + father's day

Chef 's Stage 搬了新位置，大左又靚左(講到好似形容美少女)！
有個夜晚本想去，但沒有訂枱無得食！失望！可讚係門口的待應小姐，很有禮貌。

 

 

父親節當天，早點走去食個brunch。

 

座位多了，裝飾很形格！價位也很親民！

 

Hubby 叫了All Day Breakfast，用煎Pan 上，有我喜愛的bagel，餡內係吞拿魚，伴碟的粗薯條很不錯！

 

蠻喜愛埋單時，是用小pan給客人比錢，還有煎蛋做形可壓住D紙幣，可愛啊！

 

飲品叫左紅莓茶及朱古力咖啡！

 

之后要預備當日的活動，下午屋企人入来，買了麻薯波波粉及乳酪，比小朋友自行伴粉造麻薯波波 ，還加入朱古力粒及星星糖，他們很搞笑，大家唔蝕底，加了好多！

 

乳酪同預備好的芒果粒，造了簡單的乳酪雪條，大熱天時，食這個可消暑又有益！

 

 

都係同天氣有關，太熱了，晚上食物都係外賣為主，再自行煮点簡單食物 :

 

爽爽醉雞，爽爽餃子，生菜魚肉/魚旦，麻醬秋葵

海鮮煎餅，泡菜煎餅，韓式壽司，韓式餃子，杯杯雞，韓式年糕

 

都係屋企附近搞掂，還訂左Kidult 動物造型蛋糕 (好記得當天係Kidult last day)

 

 

其实每样分量都不多，但都有剩！唯有留待明天吧！

放假去朝聖~中村藤吉

 

終於去到朝聖， 星期一放假，朋友仔從台湾回来肯同我排！

 

知道11點鐘營業 ，我地約十點半已經到The One， 大堂已經排有三十多人 ，原來10:30有職員係地下大堂派飛，但可能的已經派曬，我地直接去18樓等！

 

 

 

差不多11點，飛仔33號，應該都要等90分鐘，等頭輪食完才到我地！

 

 

 

等候期間，可以入內參觀， 感覺上此店與其他食店有點不同，他用了好多位置display 限量蛋糕，茶葉，器皿。

 

 

 內面部分位置，售賣蛋糕，朱古力，茶葉， 因為未食早餐我地買左個抹茶雪芳蛋糕係到食！

 

抹茶雪芳蛋糕，好有抹茶味又鬆軟，真的好吃！

 

地方好寬敞，雖然座位不多，但位與位之間都有好多空間！

 

 

我地出外走走後，回来等了一陣，約十二點半到我地了。

坐下已送上熱茶， 很喜歡泡茶的茶壺， 蠻漂亮！

 

我地选了腐皮抹茶拉麵，拉麵其實好一般，但都有抹茶味！

 

 抹茶芭菲好有驚喜，層次分明，每項味道很夾，尤其中間的紅莓，平衡了甜味！豐富不得了！

 抹茶大福紅豆湯是熱食，不太甜，濃郁甘香配合紅豆及年糕，有点幸福的感覺！

 

這餐期待已久，當然沒有失望，多謝朋友仔陪我等位，多個人可以試多点。食物方面，甜点出色好多！
還要讚讚工作人員，全都好有禮，臉带笑容，像去了日本一样！

但這crazy 排隊，不知下次幾時可再去，心想不如去日本食啦！(又發夢中)

 

 係The One，不如睇埋戲，呢期大熱~侏羅紀公園 ，不过不失啦！

 

試埋 The Coffee Room 既Milk Tea，都不錯，茶味很出！

 夜晚就返元朗簡单煮，還弄了木瓜雪耳糖水潤番下！

多滿足的一天！