放假去朝聖~中村藤吉

 

終於去到朝聖， 星期一放假，朋友仔從台湾回来肯同我排！

 

知道11點鐘營業 ，我地約十點半已經到The One， 大堂已經排有三十多人 ，原來10:30有職員係地下大堂派飛，但可能的已經派曬，我地直接去18樓等！

 

 

 

差不多11點，飛仔33號，應該都要等90分鐘，等頭輪食完才到我地！

 

 

 

等候期間，可以入內參觀， 感覺上此店與其他食店有點不同，他用了好多位置display 限量蛋糕，茶葉，器皿。

 

 

 內面部分位置，售賣蛋糕，朱古力，茶葉， 因為未食早餐我地買左個抹茶雪芳蛋糕係到食！

 

抹茶雪芳蛋糕，好有抹茶味又鬆軟，真的好吃！

 

地方好寬敞，雖然座位不多，但位與位之間都有好多空間！

 

 

我地出外走走後，回来等了一陣，約十二點半到我地了。

坐下已送上熱茶， 很喜歡泡茶的茶壺， 蠻漂亮！

 

我地选了腐皮抹茶拉麵，拉麵其實好一般，但都有抹茶味！

 

 抹茶芭菲好有驚喜，層次分明，每項味道很夾，尤其中間的紅莓，平衡了甜味！豐富不得了！

 抹茶大福紅豆湯是熱食，不太甜，濃郁甘香配合紅豆及年糕，有点幸福的感覺！

 

這餐期待已久，當然沒有失望，多謝朋友仔陪我等位，多個人可以試多点。食物方面，甜点出色好多！
還要讚讚工作人員，全都好有禮，臉带笑容，像去了日本一样！

但這crazy 排隊，不知下次幾時可再去，心想不如去日本食啦！(又發夢中)

 

 係The One，不如睇埋戲，呢期大熱~侏羅紀公園 ，不过不失啦！

 

試埋 The Coffee Room 既Milk Tea，都不錯，茶味很出！

 夜晚就返元朗簡单煮，還弄了木瓜雪耳糖水潤番下！

多滿足的一天！