Element ~ The Night Market

 

我真係幾鍾意食台灣野， 上星期六經過Element睇戲，試在呢間The Night Market，台式飲品~珍珠奶茶/綠茶好香滑，有茶味，珍珠軟硬度適中。還有叫左三樣野，有紅燒牛肉麵， 大蔥炒雞片蝦球， 同埋竹笙排骨湯！

 

 

食物係ok既，但價錢當然係唔平，但係Element高檔地方都算唔太貴！紅燒牛肉麵都要八九十元！ 同元朗士林相比， 士林真系幾底食！

 

紅燒牛肉麵 ~ 湯底小辣，味道濃，麵條幾彈牙，牛肉質素都ok！

 

竹笙排骨湯 ~ 居然有好多排骨，湯底都不咸！

蔥炒雞片蝦球 ~ 雞件沒有食到，蝦球鮮味欠奉！

食飽飯跟住去睇戲，睇左Mission Impossible， 居然好精彩！

之後去左Thirtysixty買左外賣返屋企打邊爐！