娘親生日宴

日期：2015年1月30日(星期五)
地點：香港蘇浙滬同鄉會餐廳 (中環)
地址 : 中環皇后大道中38-48號萬年大廈3樓及4樓

我娘親多生產，因有大有細十多人，很少外出吃飯！
但阿媽生日，無理由要仲要阿媽煮！多得妹夫幫忙訂左此餐廳，各方面都很滿意！

蘇浙滬同鄉會餐廳，會員制經營，多点私隱度！環境隔局同一般酒家無異！感覺整潔光猛！

入到房后，一張16人大檯，很闊落，坐得舒服！一点焗促感都沒有！還覺得比皇仁乾淨得多！三宝還可走来走去！

之前已預定菜式，等齊人可以上菜了！

耐何身体剛痊愈，胃口差点点！但菜式真的不錯！

送上的前菜，因有点辣，所以無試过，但聽說只是酸辣！

開胃的前菜！最岩等人時吃！

燻蛋 6 隻 - 半溜心狀態，好香滑！

 

素鵝 2 碟 - 正常啊，但個人口味喜愛煙燻多过炸！

海蜇 2 碟 - 彈牙爽口，点小小芥辣一起食！

脆鱔 2 碟 - 又甜又脆，很討口!

紅燒八寶鴨 - 真的材料十足！

四寶片皮雞 - 雖然我唔食雞，但配菜真的很吸引！ 有米餅，炸魚，炸南瓜，紫菜卷！唔食雞都有其它可吃！

黃金明蝦 - 邪惡的食物， 鹹蛋起沙，做的很乾身！

拆骨魚頭 - 將魚頭起肉，再用四川粉配料一起煮！

砂窩獅子頭 - 師傅造出幾個小的獅子頭，好味又吾鞋！

 

時菜貴魚羹 - 魚羹內的魚肉，厚薄適中！

上湯豆苗 - 全晚較清的，炒不過火！

送的芝麻蔥油餅

壽飽 - 清甜豆沙餡！

Italian Tomato 栗子蛋糕

送禮環節，小小心意，希望娘親歡喜！

一家大細嘻嘻哈哈，抱着肥肚，渡個開心的一晚！